Voskanapat.info-ի և նրա գաղափարախոսության մասին

Voskanapat.info-ի և նրա գաղափարախոսության մասին

Թերևս այս տեքստը գրվում է մեկուկես տարի ուշացումով, քանի որ ավելի ճիշտ կլիներ այն գրել կայքի գործարկման առաջին օրերին: Մյուս կողմից փաստն այն է, որ մինչև հիմա դրա անհրաժեշտությունը չի եղել: Սակայն վերջերս հնարավոր է, որ Ոսկանապատի ժողովրդականության աճով պայմանավորված, մեր ընթերցողների շրջանում հարցեր են ծագում, որոնց անհրաժեշտ է պատասխան տալ: Իհարկե կարող ենք անտեսել կայքի աշխատանքի հետ կապված այլընտրանքային կարծիքները, հատկապես, որ դրանք գալիս են կայքի փոքրաթիվ օգտատերերից, սակայն մեր ընթերցողների հանդեպ հարգանքը՝ անկախ նրանց քաղաքական հայացքներից ու նախասիրություններից, ինձ ստիպում է տալ այս ընդհանրական պատասխանը:

Voskanapat.info-ն մասնավոր սեփականություն է և արտացոլում է իմ սեփական հայացքները՝ անկախ այն բանից դրանք դուր են գալիս ինչ-որ մեկին, թե ոչ: Բայց ժամանակի ընթացքում Ոսկանապատը ձեռք է բերել մեծ թվով ընկերներ ու հետևորդներ, որոնցից ոմանք խմբագրության աշխատակիցների ու ինձ հետ հավասար հնարավորություն ունեն միջամտել կայքի աշխատանքին: Ասել, որ այս հանգամանքն ուրախացնում է ինձ, նշանակում է ոչինչ չասել: Ես շատ ուրախ եմ, որ Ոսկանապատն ինձ օգնեց ձեռք բերել նման տպավորիչ թվով ընկերներ Ղազախստանից մինչև Կալիֆորնիա, անսահման երջանիկ եմ, որ Ոսկանապատի շուրջը հավաքվել են բարձր բարոյականություն ունեցող և իմ քաղաքական համոզմունքները կիսող մարդիկ:

Համահայկական խնդիրներում իմ մոտեցումների ու քաղաքական հայացքների մասին էլ հենց ուզում եմ խոսել: Միաժամանակ ցանկանում եմ զգուշացնել, որ տվյալ գրառումն իր բնույթով բանավիճային չէ, ես չեմ խորհրդակցում, այլ փաստում եմ իրողությունները: Իսկ առարկությունները, անկախ այն բանից, թե որտեղից են գալիս, անիմաստ են: Ես ունեմ բավականաչափ կյանքի փորձ և քաղաքական փորձառություն, որպեսզի մաքուր խղճով ինձ թույլ տամ ապրել սեփական կանոններով:

Միաժամանակ ուզում եմ նշել, որ Ոսկանապատի էջերին հայտնված գրառումների ուշադիր ընթերցանությունը շատ է օգնում իմ աշխատանքին: Ցանկացած գաղափար ընկալում եմ, եթե այն չի հակասում կյանքի և քաղաքական իմ կանոններին: Երբեք ամոթաբեր չեմ համարել ուրիշի կարծիքին հետևելը: Միաժամանակ երբեք չեմ փոխել այն ընթացքը, որն ընտրել եմ շուրջ երեք տասնամյակ առաջ: Ընթացքի մեջ հնարավոր է ցանկացած շեղում, սակայն լքել այն ես չեմ պատրաստվում:

Չեմ համարում, որ Ոսկանապատի էջերին անհրաժեշտ է քննադատել Հայաստանի Հանրապետության կամ Լեռնային Ղարաբաղի Հանրապետության իշխանություններին: Իհակե դա չի նշանակում, որ Հայաստանում և ԼՂՀ-ում խնդիրներ չկան: Դրանք անշուշտ կան, և ես հարգանքով եմ վերաբերվում նրանց, ովքեր անկեղծ են իշխանության հանդեպ ու փորձում են ազդել նրա վրա կառուցողական քննադատության միջոցով: Ամենևին չեմ ընդունում Հայաստանի և ԼՂՀ-ի ղեկավարության հասցեին անզուսպ մեղադրանքները, ինչպես նաև իբր այդ բորբոքված ՙպայքարում՚ կեղծ, խուճապային լուրերի տարածումը: Դա անարդյունավետ քաղաքականություն է, որն առաջին հերթին վնասում է հայկական պետություններին: Սա, հիմք ընդունելով, հայտարարում եմ՝ Ոսկանապատը երբեք տեղի չի տա այն մարդկանց հորդորներին, ակնարկներին, առաջարկներին, կոչերին և սպառնալիքներին, որոնք մեզանից կպահանջեն հայկական պետականությունների թուլացմանն ուղղված գործողություններ: Դա չի կարող տեղի ունենալ որևէ պարագայում: Չկա որևէ ուժ, որ մեզ կստիպի շեղվել մեր ուղուց: Գաղափարների համար պայքարը չպետք է վերածվի Հայրենիքի դեմ հանցավոր պայքարի, ով էլ որ լինի հայկական պետությունների իշխանության ղեկին:

Ոսկանապատը չի զբաղվում նաև հայկական պետությունների ներքին քաղաքականությամբ, թեև կրկնվում եմ, ցանկացած կառուցողական ընդդիմություն օգտակար եմ համարում մեր պետությունների համար: Բայց մեր խնդիրը տեսնում ենք այլ հարթությունում: Գաղտնիք չէ, որ Հայաստանն ու ԼՂՀ-ն թշնամիներ ունեն: Գաղտնիք չէ նաև, որ մեր թշնամիները, լինեն նրանք Բաքվում, Անկարայում, թե մեկ ուրիշ տեղ, ուշադրությամբ հետևում են հայկական լրատվությանը, փորձում են գտնել մեր խոցելի տեղերը: Առավել ևս գաղտնիք չէ, որ նրանք կեղտոտ պայքար են մղում հայ ազգի յուրաքանչյուր ներկայացուցչի դեմ, ջանում են բացասաբար ազդել մեր ժողովրդի բարի համբավի վրա: Չհասկանալ, որ սա սպառնալիք է մեր ժողովրդի ազգային անվտանգությանը, արդարացում չէ հայ ժողովրդի ու հայկական պետությունների հասցեին ուղղված ավելորդ ու երբեմն էլ քինոտ ՙքննադատության՚ համար: Ոսկանապատն այդ մարդկանց հետ ճանապարհ չունի անցնելու:

Արտահայտեմ տարօրինակ մի միտք: Հայաստանի բնակչությունը, հաշվի առնելով այն ցնցումները, որոնց միջով անցել ու անցնում են մեր պետությունները, այսօր ապրում է շատ ավելի լավ, քան պետք է լիներ տրամաբանորեն: Մենք տեսանք աղետալի երկրաշարժ, որն անօթևան թողեց հսկայական թվով մարդկանց, չորս հարյուր հազար փախստականների ներհոսք, պատերազմ, որր չշրջանցեց նաև մեր ճակատագրերն ու տները: Վերջապես մենք զգացինք տնտեսական ձևաչափի փոփախություն, որը թերևս ամենացավագին երևույթն էր մեր պետության պատմության մեջ: Մենք ապրում ենք շրջափակման և մշտական մարտական պատրաստականության պայմաններում: Աշխարհում շա՞տ են պետությունները, որ կարող են գոյատևել նման ծայրահեղ պայմաններում: Եվ ոչ միայն գոյատևել, այլ նաև հետևողականորեն զարգանալ. ինչը կարող է հաստատել ցանկացած անկողմնակալ մարդ: Մի բան, որ հաստատում են նաև միջազգային կազմակերպությունները:

Դիմենք մեր ավագ սերնդին, հարցնենք, թե նրանք ինչպե՞ս էին ապրում Հայրենական պատերազմից հետո, ինչպե՞ս էին ապրում 1961 թվականին: Համեմատենք մեր կյանքն այն ժամանակ ու այսօր, չմոռանալով ճշտել, որ այն ժամանակ Հայաստանի տրամադության տակ էին ԽՍՀՄ-ի ընդերքի հսկայական հարստությունները: Ցանկացած ազնիվ պատասխան կլինի միանշանակ. 2010 թվականի և 1961 թվականի Հայաստանի, նաև 1980-ականների Հայաստանի միջև հսկայական տարբերություն կա: Կրկնեմ՝ մենք ապրում ենք շատ ավելի լավ, քան պետք է ապրեինք: Բայց մեծացել են մեր պահանջները կյանքի նկատմամբ, և մեր դժբախտությունների մեծ մասը հենց դրանից է: Մենք ուզում ենք ամեն ինչ միանգամից ու հիմա: Սակայն այդպես չի լինում: Հայաստանի զարգացումը խթանելու համար անհրաժեշտ է աշխատել ու ստեղծագործել ի շահ Հայաստանի, այլ ոչ թե զբաղվել նրա ՙքննադատությամբ՚: Եվ սոցիալական անհավասարության, կոռուպցիայի և այլնի հետ կապված հղումներն ու ՙհիմնավորումները՚ անտարբերության և քինոտ ՙքննադատության՚ համար չեն կարող ծառայել որպես արդարացում: Մեր երկիրը, ինչպես աշխարհի շատ այլ երկրներ, բազմաթիվ թերություններ ունի, շատ ավելի շատ, քան կցանկանայինք, սակայն ամեն ինչ այդքան վատ չէ, որքան ներկայացնում են բարոյական դասալիքները:

Մենք կտրականապես մերժում ենք նաև հայ ժողովրդին ըստ ծննդավայրի սահմանազատելու փորձերը, որ խրախուսվում է որոշակի շրջանակներում, և նման հավակնությունները մեր ժողովրդի ամբողջականության համար համարում ենք հանցավոր: Շա՞տ են արդյոք այն հայերը, որոնք կարող ենք ասել, թե ովքեր են եղել իրենց նախնիները յոթ սերունդ այն կողմ: Մինչդեռ հենց այդ սահմանն է գծել ժողովրդական իմաստությունը՝ ազգակցական հարաբերությունները դադարեցնելու և ազգի վերարտադրությունը շարունակելու համար: Դարեր շարունակ ստիպված ենք եղել լքել հարազատ օջախը՝ տեղափոխվելով նոր բնակավայր: Սակայն դա արվել է միայն Հայկական Բարձրավանդակի տարածքում: Մենք բոլորս հայ ենք, և հենց սրանով պետք է ավարտվեն ծննդավայրի մասին բոլոր խոսակցությունները: Եվ եթե մեկն այլ կերպ է մտածում, ապա նա Ոսկանապատում անելիք չունի:

Մեր ճանապարհները չեն կարող հատվել այն մարդկանց հետ, որոնց հարձակումների ու կշտամբանքի թիրախում մեր պետությունների սրբության սրբոց Հայկական Ազգային Բանակն է: Մեր բանակը մեր եղբայներն ու երեխաներն են, և այն վարկաբեկելու ցանկացած փորձ պետք է վճռականորեն կանխվի, այդ թվում նաև Ոսկանապատի կողմից: Մեր բանակը մեր պետությունների անվտանգության երաշխիքն է, մեր ժողովրդի խաղաղ զարգացման գրավականը: Եվ թող անիծված լինի նա, որ իր գործողություններով ձգտում է վարկաբեկել մեր երեխաներին: Հիշեցնենք նաև, որ հենց մեր բանակի շնորհիվ է, որ այդ ՙքննադատները՚ այսօր հնարավորություն ունեն ապրել Հայաստանում կամ այցելել Հայրենիք, հենց մեր Բանակն է հնարավորություն տալիս նրանց խաղաղ պայմաններում զբաղվել քաղաքականությամբ կամ դրա շուրջ սոփեստությամբ:

Ոսկանապատը անկախ պորտալ է: Մենք ինքներս ենք որոշում մեր աշխատանքը, ընտրում մեր թիրախները, գտնում դրանց խոցելի տեղերը… Այդ թիրախները հիմնականում մեր Հայրենիքի տարածքում են, սակայն օտար պետություններում: Եվ հենց նրանց հետ է իր ուժերի ու հնարավորությունների սահմաններում պայքարում Ոսկանապատը:

Ոսկանապատի անկախության հիմքում նրա բարեկամներն են, ընդհանուր նվիրվածությունը հայ ժողովրդի շահերին, և մեր անվերապահ սերը հայերնի հողի նկատմամբ: Ոսկանապատի անկախությունը հիմնված է մեր գաղափարախոսության վրա, որն ամբողջությամբ ուղղված է դեպի հայ ժողովրդի լուսավոր ու անվտանգ ապագան:

Լևոն ՄԵԼԻՔ-ՇԱՀՆԱԶԱՐՅԱՆ
Ոսկանապատ վերլուծական կենտրոնի ղեկավար

 

25.04.2017 Ադրբեջանը կրակել է Բաղանիսի միջպետական ավտոճանապարհի ուղղությամբ ԵԽԽՎ-ն որոշել է հետաքննել Ադրբեջանի հետ կապված կոռուպցիոն գործերը Արցախում զոհ ունենք Կանադայում տեղի են ունեցել Հայոց ցեղասպանության 102-րդ տարելիցին նվիրված միջոցառումներ Թրամփը մտադիր է դադարեցնել Ադրբեջանին ցուցաբերվող օգնությունը Ռուսաստանը տեսնում է ԼՂ հակամարտության կարգավորման ԵԱՀԿ-ի ձգտումը. Լավրով Լոնդոնում Հայոց ցեղասպանության տարելիցին նվիրված միջոցառումներ են կազմակերպվել Հունաստանի դատարանը մերժել է թուրք զինվորներին վերադարձնել Թուրքիային Թուրքիայի տարբեր նահանգներում պայթյուններ են տեղի ունեցել. կան զոհեր Հունաստանի տարբեր քաղաքներում Հայոց ցեղասպանության տարելիցին նվիրված միջոցառումներ են կազմակերպվել Թուրքիայի ԱԳՆ-ն հայտարարել է ԵԽԽՎ հետ հարաբերությունները վերանայելու մասին Թուրքիան կրկին ԵԽԽՎ մոնիտորինգի տակ է. որոշումն ընդունվեց 113 կողմ ձայնով Յոհաննես Հանը ցանկանում է վերանայել Թուրքիա-ԵՄ համագործակցության ձևաչափը ՀՀ պաշտպանության նախարարն ընդունել է ԵՄ հատուկ ներկայացուցչին Թբիլիսիում քննարկվել են վրաց-թուրքական ռազմական համագործակցության խորացման հեռանկարները Ադրբեջանական իշխանությունները բանտերի և աշխարհազորայինների միջոցով ճնշում են բողոքի դրսևորումները Ազգային-մշակութային ցեղասպանության փորձ Մխիթար Գոշի և Կիրակոս Գանձակեցու նկատմամբ Արցախում զոհված հայ զինվորը պարգեւատրվել է «Մարտական ծառայություն» մեդալով Արցախի ԱԳ նախարարը մասնակցել է Հարավային Օսիայի նորընտիր նախագահի երդմնակալության արարողությանը Արգենտինայի փոխնախագահը մասնակցել է Հայոց ցեղասպանության հիշատակի միջոցառմանը Սահմանում զոհ ունենք 24.04.2017 Շվեդիայում կայացել են Հայոց ցեղասպանության 102-րդ տարելիցին նվիրված միջոցառումներ Վրաստանի նախագահը բանակցություններ Է վարել Թուրքիայի Անվտանգության խորհրդի քարտուղարի հետ Սլովակիայում Հայոց ցեղասպանության տարելիցի արարողությանը մասնակցել են բարձրաստիճան պաշտոնյաներ Պաշտոնական այցով Հայաստան է ժամանել Հնդկաստանի փոխնախագահը Թրամփը կիրառեց «բերանը փակելու» Անկարայի քաղաքականությունը. ԱՄՆ Հայ դատի հանձնախումբ Պետք է լիովին ճանաչել հայ ժողովրդի հիշողությունը. Մակրոն Թուրքիան պատրաստ է վերականգնել ԵՄ հետ հարաբերությունները վիզային ռեժիմի վերացման պայմանով Ստամբուլի Սուլթանահմեթ հրապարակում ոգեկոչել են Հայոց ցեղասպանության զոհերի հիշատակը Ադրբեջանցի քաղաքական վտարանդիները ապրիլի 24-ին բողոքի ակցիա են կազմակերպել Ստրասբուրգում Ադրբեջանական բանակը ևս մեկ զինծառայող է կորցրել Մոսկվայում տեղի ունեցավ Հայոց ցեղասպանության զոհերի հիշատակին նվիրված բողոքի ցույց Մակրոնը հարգանքի տուրք է մատուցել Հայոց ցեղասպանության զոհերի հիշատակին Մեր բանակն այսօր ավելի սպառազինված է, առաջին գիծն ավելի ամուր. Մովսես Հակոբյան Ուղերձ ուղերձի համար. Էրդողանը հիշել է «Առաջին աշխարհամարտին կյանքից հեռացած հայերին» Թուրքիան վաղ թե ուշ ճանաչելու է Հայոց ցեղասպանությունը. վերապրողների սփյուռքահայ ժառանգների կոչը Ծիծեռնակաբերդից Օսմանյան կայսրությունը չի մահացել, Էրդողանի քաղաքականությունը դրա շարունակությունն է Ադրբեջանում նախորդ տարվա ընթացքում ռազմական ծախսերի զգալի կրճատում է տեղի ունեցել. SIPRI Իսպանիայի Առնեդո քաղաքում Հայոց ցեղասպանության զոհերի հիշատակին նվիրված խաչքար է օծվել Դոնալդ Թրամփը ապրիլի 24-ի իր ուղերձում կիրառել է «Մեծ Եղեռն» եզրույթը Լեհերը հայ ժողովրդի կողքին են, իրենց զորակցությունն են հայտնում և դատապարտում Հայոց ցեղասպանությունը Շատ ուշացանք առերեսվելու հարցում. Ցեղասպանության տարելիցին Թուրքիայի քրդամետ կուսակցության հայտարարությունը Թուրքական «նախանձը» 20-րդ դարասկզբին չխնայեց անգամ հայ մարզիկներին Վրաստանում Թուրքիայի դեսպանատան դիմաց բողոքի ակցիա է կազմակերպվել Իտալիայի Պեզարո քաղաքում տեղադրվել է Հայոց ցեղասպանության Սուրբ նահատակների հիշատակին նվիրված խաչքար Մենք բոլորս պահանջատեր ենք. Հայաստանի ասորական համայնքը հարգանքի տուրք մատուցեց Ցեղասպանության զոհերի հիշատակին Հնդկաստանի փոխնախագահ Համիդ Անսարին կայցելի Ծիծեռնակաբերդ Եվրախորհրդարանի պատգամավոր Ֆրանկ Էնգելը հարգանքի տուրք մատուցեց Հայոց Ցեղասպանության զոհերի հիշատակին Միասին ընդդիմանանք այս ժխտողական պատմությանը. Գարո Փայլանի ուղերձը Ստամբուլում ոստիկանությունն արգելել է ապրիլի 23-ին ծրագրված Հայոց ցեղասպանության հիշատակի միջոցառումը
Խնդիրն այլ է. Արցախին հարում են այսօր գերության մեջ գտնվող լայնածավալ հայկական հողեր, որոնց վրա ապրում է թշնամին և ամեն օր սպառնում Արցախի Հանրապետությանը։ Այս հանգամանքը ստիպում է Արցախի քաղաքացիներին և ողջ հայ ժողովրդին ապրել հոգևոր և ֆիզիկական ուժերի լրացուցիչ լարման պայմաններում։ Լևոն Մելիք-Շահնազարյան