Ռաֆայել Իսախանյան. «Ստի վրա հենված ոչ մի նախաձեռնություն չի կարող հաջողությամբ պսակվել»

Ռուսաստանաբնակ հայ գործարար Ռաֆայել Իսախանյանը, որին ադրբեջանցիները փորձել են ներգրավել այսպես կոչված խաղաղության պլատֆորմի մեջ, բացահայտում է հակառակորդի հերթական ստերը։ Voskanapat.info-ի հետ զրույցում նա հայտարարել է, որ իրականում ոչ թե ադրբեջանցիներն են հեռացրել նրան այդ կառույցից, այլ ինքն է հրաժարվել մասնակցել Բաքվի կեղծիքի քաղաքականությանը։

Պարոն Իսախանյան, ադրբեջանցիների կողմից նախաձեռնված այսպես կոչված «Խաղաղության քաղաքացիական հարթակի» (ԽՔՀ) ղեկավար խորհուրդը դեկտեմբերի 25-ին նիստ է անցկացրել, որի ընթացքում որոշվել է Ձեզ հեռացնել կառույցից։ Ո՞րն է նման որոշման պատճառը, ինչպե՞ս կմեկնաբանեք այն։

Անկեղծ ասած, նման «որոշումն» ինձ չի զարմացնում։ Ինչու՞ եմ «որոշում» բառը վերցնում չակերտներում, որովհետև դա ամենևին էլ ադրբեջանցիների որոշումը չէր։ Ես ինքս արդեն տեղեկացրել էի իրենց, որ նման նպատակներով և կանոնադրությամբ կազմակերպության մեջ անելիք չունեմ։ Հայկական լրատվամիջոոցներին տրված հարցազրույցից հետո, որտեղ հայտարարել էի, որ Հայաստանի և Ադրբեջանի միջև խաղաղության այսպես կոչված հարթակի կանոնադրությանն ի սկզբանե ծանոթ չէի և որ ես կարծում էի, թե ադրբեջանցիներն ինձ առաջարկում են վերսկսել տարիներ առաջ սկսված և կիսատ թողած մի ծրագիր, որը վերաբերվում էր Ռուսաստանի տարածքում հայ և ադրբեջանցի գործարարների համագործակցությանը, ինձ սկսել են զանգել այս հարթակի ադրբեջանցի ներկայացուցիչները և համոզել, որ մնամ այդ կառույցում, լինեմ դրա համանախագահը և միասին աշխատենք։ Ես, իհարկե, խաղաղության կողմնակից եմ, բայց այդ կառույցի կանոնադրությունը որևէ առնչություն չունի հայերի և ադրբեջանցիների միջև խաղաղության հասնելու իրական ուղիների հետ։ Դա հակահայկական քարոզչություն է, որն ադրբեջանցիները փորձում են իրականացնել հենց հայերի շուրթերով՝ իհարկե մոլորեցնելով և խաբելով մեր հայրենակիցներին։

Ինչևէ, սկզբում ես փորձեցի բոլոր այս հարցերին կառուցողական ուղղություն տալ։ Առաջարկեցի ադրբեջանցիներին՝ Ռովշան Ռզաևին, Դիլյարա Էֆենդիևային, Օրհան Նաբիևին, փոխել հարթակի կանոնադրությունը, հանել այնտեղից պաշտոնական Բաքվի բոլոր քարոզչական թեզերը, հրաժարվել քաղաքական պահանջներից ու հայտարարություններից։ Մի խոսքով, առաջարկեցի իսկապես խաղաղությունից խոսել։ Բայց ցավոք, նրանց նպատակը այլ է, և ես չէի կարող մնալ խաբեության այդ կառույցում։

Պարոն Իսախանյան, ադրբեջանցիները մերժեցին բոլո՞ր Ձեր առաջարկները, թե՞ այնուամենայնիվ ինչ-որ բաների հետ համաձայն էին։

Գործնականում նրանք մերժեցին ամեն ինչ։ Ինձ ասացին, որ կանոնադրության մեջ փոփոխություններ կարող է անել միայն այսպես կոչված հարթակի համաժողովը, որը մեկ տարի հետո պիտի կայանա։ Ուզում էին համոզել, որ մեկ տարի սպասեմ, ինչը, իհարկե, բացառված էր։ Նրանց նպատակներն ինձ այլևս միանգամայն պարզ են։

Բայց զվարճալի մի փաստ իմ աչքից չվրիպեց։ Այն, որ ադրբեջանական կողմն այնուամենայնիվ փոփոխել է այսպես կոչված հարթակի կանոնադրությունը։ Բնականաբար՝ չսպասելով նոր համաժողովին։ Իրենք կանոնադրությունից հանել են նույն այն կետը, որը արգելում էր Ադրբեջանի խորհրդարանի պատգամավոր Ռովշան Ռզաևին լինել այդ կառույցի համանախագահ։ Դրա մասին ես խոսել եմ իմ նախորդ հարցազրույցի ժամանակ՝ մատնանշելով, որ իրենք խախտել են իրենց իսկ կողմից գաղտնի ընդունված կանոնադրության կետերից մեկը։ Հիմա դա արդեն շտկվել է։ Այսպես կոչված հարթակի կանոնադրության մեջ այլ փոփոխություններ էլ են արել ադրբեջանցիները։ Ինչպես տեսնում ենք, դրա համար նրանց նոր համաժողով պետք չի եկել։ Իսկ ահա իմ առաջարկները, փաստորեն մերժվել են։ Իրենց գործն է։ Ես միայն կարող եմ ասել, որ ստի վրա հենված ոչ մի նախաձեռնություն երբեք չի կարող հաջողությամբ պսակվել։ Այդ էջն ինձ համար այլևս փակված է։

19.02.2018 Էրդողանը սպառնում է բոլորին անխտիր Ռուսաստանի, Իրանի և Թուրքիայի ԱԳ նախարարների հանդիպումը տեղի կունենա Աստանայում Եվրախորհրդարանի 16 պատգամավորներ Մոգերինիին հարցրել են, թե ինչու ԵՄ պաշտոնյաները երբեք Արցախ չեն այցելել Էրդողանն ու Պուտինը քննարկել են Սիրիայում տիրող իրավիճակը Եվրախորհրդարանում պատգամավորները կրկին կխոսեն Արցախի մասին Արցախի ԱԳՆ-ն կարևորում է առաջնագծում իրավիճակի կայունացման գործում իրական ներդրումը Արցախի վերածննդի օրվա առթիվ Նախագահի նստավայրում պարգևատրում է տեղի ունեցել Մասիս Մայիլյանը վստահ է` Արցախի հետ ուղղակի և բաց երկխոսության հաստատումը կնպաստի տարածաշրջանում կայունության ամրապնդմանը Սերժ Սարգսյանն ընդունել է ՌԴ Արտաքին հետախուզության ծառայության տնօրենին Ադրբեջանը նպատակաուղղված կերպով ձգձգում է տարածաշրջանում կայուն խաղաղության հաստատումը. Արցախի ԱԳՆ Կոնստանտին Կոսաչովը բարձր է գնահատում ՀՀ Նախագահ Սերժ Սարգսյանի ելույթը Մյունխենում Արցախի ԱԳՆ-ն ակնկալում է Անջեյ Կասպշիկի գրասենյակի և նրա դիտարկման կարողությունների ընդլայնում Թուրքիայում քրդամետ կուսակցության նախկին պատգամավորը ձերբակալվել է Նախագահ Սարգսյանը Գիրք նվիրելու օրվա կապակցությամբ այցելել է «Բուկինիստ» գրախանութ Բաքվի հրեական էմիգրացիային Հայտնի է Լիբանանի նախագահի՝ Հայաստան այցի օրը Կնեսետում Հայոց ցեղասպանության ճանաչման ջատագով Yesh Atid կուսակցությունը կշարունակի պայքարը. բացառիկ մեկնաբանություն 18.02.2018 Իրանի ԱԳՆ ղեկավարը հայտարարել է, որ հանրապետությունը Պարսից ծոցում հեգեմոնիայի չի ձգտում Նախագահը Մյունխենում հանդիպում է ունեցել Բավարիայի երկրամասի առաջատար մի շարք ընկերությունների ղեկավարների հետ Ճիշտ արձագանք, ճիշտ տեղում. Դավիթ Բաբայանը՝ Մյունխենում ՀՀ Նախագահի ելույթի մասին Իրանի հարավում ավիավթարի արդյունքում կենդանի մնացածներ չկան Մյունխենում ՀՀ Նախագահը հստակ ազդակ հղեց, որ Թուրքիան և Ադրբեջանը սպառնալիք են տարածաշրջանի համար. Շարմազանով ՀՀ Նախագահը ցավակցական հեռագիր է հղել Իրանի նախագահ Հասան Ռոհանիին 17.02.2018 ՀՀ Նախագահ Սերժ Սարգսյանը փետրվարի 17-ին ելույթ է ունեցել Մյունխենի անվտանգության համաժողովում Արցախյան շարժման մասնակիցները հանդիպել են ՊԲ զինծառայողների հետ Անցած շաբաթ Ադրբեջանը առաջնագծում հրադադարի ռեժիմը խախտել է շուրջ 250 անգամ Նախագահը աշխատանքային այցով մեկնել է Գերմանիայի Դաշնային Հանրապետություն 16.02.2018 ՌԴ ԱԳՆ խոսնակ Մարիա Զախարովան անդրադարձել է Իլհամ Ալիևի «Երևան և Զանգեզուր վերադառնալու» վերաբերյալ անհեթեթ հայտարարություններին Թուրքիայի քրդամետ կուսակցության ևս մեկ պատգամավոր կարող է զրկվել մանդատից Էրդողանի ու Թիլերսոնի հանդիպումը շարունակվել է ավելի քան երեք ժամ Թուրքիայի վարչապետի այցը Գերմանիա ուղեկցվել է բողոքի ցույցերով Բակո Սահակյանը մասնակցել է Արցախի դատախազության կոլեգիայի նիստին 15.02.2018 ՌԴ ԱԳՆ-ն հայտարարել է ԱՄՆ-ի կոալիցիայի հարվածներից ռուսների զոհվելու մասին Բակո Սահակյանն ընդունել է Արցախի Աֆղանստանի պատերազմի վետերանների միության անդամների Ադրբեջանում բնակչության թվի աճն անկում է ապրել Ադրբեջանի զորամասերից մեկում զինվոր է մահացել Թուրքիայում պահանջում են փակել քրդամետ Ժողովուրդների դեմոկրատական կուսակցությունը Անկարայում ԱՄՆ դեսպանատան պողոտան կանվանակոչվի «Ձիթենու ճյուղ» 14.02.2018 Նախագահ Սերժ Սարգսյանը ցավակցական հեռագիր է հղել Դանիայի Թագուհի Մարգրեթ Երկրորդին Էրդողանի եւ Ալիեւի պանթուրքիստական հայտարարություններն անթույլատրելի են. Էդուարդ Շարմազանովը՝ Հունաստանի դեսպանին Նախագահ Սերժ Սարգսյանը Մալիի նախագահին հրավիրել է Երևանում մասնակցելու Ֆրանկոֆոնիայի գագաթնաժողովին Արցախը դարձավ հայ ժողովրդի պատվախնդրության և հաղթանակի խորհրդանիշը. Սերժ Սարգսյան Արժե՞ զարմանալ, որ Ալիևը Երևանն է ուզում... Ուզում ենք մեր պատրիարքին ընտրել. Գարո Փայլան Ռուս սահմանապահներն Արմավիրի մարզում թուրք սահմանախախտի են ձերբակալել Էրդողանը հեռախոսազրույց է ունեցել Սաուդյան Արաբիայի թագավորի հետ Թուրքիայի զինուժը հարվածներ է հասցրել Իրաքի հյուսիսում 13.02.2018 Միջազգային ավիացիոն կոմիտեն հայտնել է Ռուսաստանում Ան-148-ի վթարի նախնական պատճառը Թուրքիայի նախագահը ԱՄՆ-ին կրկին մեղադրել է Թուրքիայի դեմ գործողություններ իրականացնելու մեջ Ծնկաչոք Մարդու դասերը
Խնդիրն այլ է. Արցախին հարում են այսօր գերության մեջ գտնվող լայնածավալ հայկական հողեր, որոնց վրա ապրում է թշնամին և ամեն օր սպառնում Արցախի Հանրապետությանը։ Այս հանգամանքը ստիպում է Արցախի քաղաքացիներին և ողջ հայ ժողովրդին ապրել հոգևոր և ֆիզիկական ուժերի լրացուցիչ լարման պայմաններում։ Լևոն Մելիք-Շահնազարյան